Leven ne odustaje od titule – još jedno sjajno veče Lipovine

0
302
Foto: Rhein-Neckar Löwen

Rajn Nekar Leven ne odustaje od borbe za titulu, a sinoć su “lavovi” slavili u Lemgu 25:23, međutim najzaslužniji za trijumf bio je naš Vladan Lipovina koji je ispalio projektil sa 10 metara i tako otklonio sve dileme oko pobjednika u posljednjem minutu nakon što je Lemgo prišao na minus jedan. Lipovina u posljednje vrijeme dijeli minutažu sa Petersonom, tako je bilo i sinoć igrao je poluvrijeme i postigao četiri gola uz tri asistencije. Kolbaher i Šmid su bili najefikasniji sa po pet golova, dok je kod domaćina Suton postigao sedam.
Veclar je na svom terenu izgubio od Erlangena 28:27, a svoje veče je imao Budel sa 10 golova kod gostiju, dok je naš reprezentativac Stefan Čavor postigao tri gola. Gumersbah je još jednom razočarao na svom terenu protiv Mindena 25:20, dok je Štutgart u gostima deklasirao Bitighajm 28:19.