Crnogorska kadetska košarkaška reprezentacija ubjedljivo je pobijedila Bosnu i Hercegovinu 84:53 u prijateljskom meču igranom u dvorani Verdea.
Izabranici Bobana Savovića odličnu predstavu najavili su već u prvoj četvrtini. Naši su slavili nakon uvodnih 10 minuta 23:11. Tu su prednost do odmora uvećali na +13.
U nastavku nije bilo nikakve dileme, naš sastav je iz minuta u minut uvećavao prednost, poslije 30 minuta bilo je 22 poena razlike, da bi na kraju domaći sastav stigao i do +31.
Najefikasniji u našem timu bio je Žugić sa 17 poena, 13 je dodao Vuković, 10 Višnjić.
“Sigurno da je utakmica bila dobar pokazatelj za nas. S obzirom na to da smo se spremali samo dan mogu biti zadovoljan zalaganjem svih igrača i što mi se posebno sviđa je njihova požrtvovanost.” – kazao je nakon meča selektor Boban Savović.
Isti rivali snage će odmjeriti i u nedjelju.
