Još jedna sjajna partija Mirotića, Bulsi poraženi od San Antonia

0
107

San Antonio Sparsi nalaze se u sjajnoj formi, bez mnogo problema dobili su Čikago Bulse 116:105 za petu uzastopnu pobjedu.

U jednom od derbija večeri zablistao je Toni Parker sa 32 poena, a pratili su ga Kavaj Lenard sa 20 uz 8 skokova, Peti Mils sa 15 i Manu Đinobili sa 14 poena. U timu Bulsa dominirao je Pau Gasol sa 23 poena i 15 skokova, a najbolju podršku imao je u Aronu Bruksu sa 22 poena. Nikola Mirotić je ubacio 19.

Očajno veče imao je Tim Dankan koji je promašio svih osam šuteva iz igre, što je prvi put u njegovoj 19 godina dugoj NBA karijeri. Ipak, greške Bulsa su olakšale posao Sparsima koji su 22 izgubljene lopte rivala pretvorili u 32 poena.

Sparsi polako napreduju na Zapadu, trenutno su šesti, sa samo četiri pobjede iza drugoplasiranog Memfisa. S druge strane, Bulsi su ostali četvrti na Istoku.

 

 

 

 

Analitika