Fudbaleri Lacia nastavljaju sa sjajnim igrama u šampionatu, danas su u 6. kolu Serija A savladali Veronu na gostujućem terenu rezultatom 3:0.
Adam Marušić će po dobrom pamtiti gostovanje na sjever Italije. Protiv Verone koju predvodi Đampaolo “Paco” Pacini odigrao je vrlo kvalitetan meč. Prvo je izborio jedanaesterac, onda upisao asistenciju u 41. minutu za gol najboljeg strijelca Lacija ove sezone Ćira Imobilea, da bi se i sam u 60. minutu upisao u strijelce nakon asistencije upravo Imobilea.
Marušić je počeo meč od prvog minuta, što samo govori da Simone Inzagi već poslije samo 6 odigranih kola ozbiljno računa na naše krilo!
Lacio sada ima 4 pobjeda, remi i poraz i nalazi se na 4. mjestu sa 13 bodova, Inter ima 16, dok Napoli i Juventus imaju po maksimalnih 18 bodova.
U slijedećem kolu “nebesko-plavi” dočekuju neugodni Sasuolo.
