Rumunija – Crna Gora 3 : 0 (25:14; 25:21; 25:15)
Naša reprezentacija poražena je od Rumunije u meču za treće mjesto na Balkanijadi. Naša ekipa je uspjela da pruži snažan otpor samo u drugom setu, kada su konstantno bile u vođstvu do finiša seta, ali su domaće sjajnim servisima preokrenule rezultat i zasluženo slavile u ovom meču.
“Iako nijesmo uspjeli da osvojimo medalju, ne možemo biti nezadovoljni izdanjem na ovoj utakmici i cijelom turniru. Kada su u ekipi Rumunije sve igračice raspoložene za igru, i kada se doda blagonaklonost domaćih linijskih sudija, epilog meča je takav kao što rezultat govori. Ja bih ovim putem čestitao igračicama na četvrtom mjestu, jer nije mala stvar ostaviti iza sebe ekipe Grčke, Bugarske, Moldavije i Makedonije. Zahvalio bih se i mojim saradnicima, treneru Masoničiću i tim menadžeru Šćekiću na bezrezervnoj podršci i pomoći u radu. Nadam se da smo na ovom turniru pokazali da imamo jako perspektivnu generaciju koja će u narednim akcijama ponavljati ovakve rezultate, ili napraviti i korak više” – izjavio je selektor reprezentacije Marko Radusinović.
